استشارة عاجلة
طالب الإستشارة: فيصل إبراهيم الغامدي
السلام عليكم ورحمة الله وبركاته ..
عمري ٢٤ سنة .. وظيفتي مهندس كهرباء .. متزوج ولدي ابن واحد ..
ي دكتور .. حصلتلي حادثة بعدها شعرت ان نفسيتي ازدادت سوءا وأصبحت أخاف بدرجة كبيرة وأقلق وأكاد أكون طول اليوم متوتر لدرجة اني اهملت دوامي وزوجتي وأهلي وصرت م ابغى اسوي اي شيء ..
الموقف كالتالي :- زوجتي كانت حامل في الشهر الثامن أخذت تقريبا أسبوعين من الثامن ..فجأة ارتفع الضغط عندها وقتها انا كنت ف مكة يوم ٣ ذو الحجة وهيا ف جدة عند أهلها .. اتصلوا عليا قالوا لازم تجي طبعا انا توترت وصارت دقات قلبي سريعة لكن وضعي كان طبيعي .. رحت ع جدة وأخذتها ع المستشفى اللي كنا نراجع فيه .. قالولي لازم ولادة ولازم تتنوم حصلها تسمم حمل .. انزل ادفع الفلوس بسرعة عشان ندخلها ع الغرفة .. طبعا انا توترت جدا لدرجة اني اصبحت حشران جدا -الله يكرمك- وانا تحت عشان ادفع الفلوس دخت دوخة خفيفة لكن الحمدلله تمالكت نفسي .. بعد ما طلعت الغرفة عندها طبعا م قدرت أنام ودقات قلبي سريعة وصداع في راسي .. طبعا أمورها تحسنت انا نوعا ما هديت .. تقريبا قعدت يومين او ٣ أيام وولدت يوم ٦ ذوالحجة بعملية والحمدلله رزقت بولد .. الولد دخل العناية المركزة عشانه ولادة مبكرة وزوجتي لسى متنومة عشان كان في عندها بعض المشاكل .. طبعا هذي الثلاثة او الاربعة الايام عشت فيها توتر كبير ونومي كان سيء وكنت قلق جدا وخايف جدا على انو يصير لزوجتي اي شيء او لودي لا قدر الله طبعا زوجتي خرجت والولد كان لسى في المستشفى .. كنت انام في جدة عند اهل زوجتي بس م كنت مرتاح لانو ولدي لسى ف المستشفى وزوجتي كان الضغط لسى مرتفع كنت قلق جدا وأشعر بخوف ودقات قلبي اغلب الوقت سريعة .. الين يوم عرفة بعد الفطور قلت لزوجتي انا رايح مكة عشان أعيّد مع أهلي طبعا وقتها كنت أشعر بألم جهة القلب لكن كنت مطنشه و ما أعرته اهتمام .. لمن ركبت السيارة ومشيت بدت الوسوسة عندي حسيت انو الالم بدا يزيد ودقات قلبي صارت سريعة وصرت أسمعها وريقي نشف بعدين حسيت حرارة في أعلى جسمي شوي الا حرارة في جسمي بالكامل وصرت أحس اني ماني قادر أشيل نفسي زي كاني طايح وقفت السيارة واتصلت على رحيمي وجا أخذني طبعا وقتها كان مشغول ف رجعت البيت وكنت - الله يكرمك - حشران جدا ومجرد م دخلت الحمام - الله يكرمك - تبولت وسهلت .. طبعا رجعت احاول انام م استطعت افكر ف الالم اللي ف قلبي وأيضا صرت اشعر انو ضيق ف التنفس م استطعت انام صرت افكر تفكيرات سيئة وصرت احس نفسي دايخ ومصدع .. رحت المستشفى ع الساعة ٢ - طوارئ - الدكتور م كشف عليا قالي لا توسوس وبس قاس الضغط وكان مرتفع ارتفاع طبيعي حق التوتر .. طبعا بعد الحادثة هذي صرت اذا اكلت اي شيء ع طول اتكرع .. وصار بطني يعورني من تحت وبدأت تجيني آلام متنقلة .. حاولت اهدي نفسي كلمت اخوي قلي هذا القولون وطبيعي مع التوتر .. صرت آخذ حبوب ( Gasec-20) وحبوب ( Duspatalin retard )
تحسنت معدتي ولله الحمد والقولون تحسن نوعا ما لكن اذا انسدحت ي دكتور أحس كل بطني مشدود ع فوق ف يصير التنفس صعب .. وحصلتلي ي دكتور مرتين اني اكون نايم وفجأة أصحى تكون دقات قلبي سريعة وأسمعها ونفسي يضيق وما أقدر ارجع بعدها أنام .. طبعا خليت أخوي يجي ياخذني من جدة ورجعت عند أهلي تحسنت نفسيتي نوعا ما لكني دائما أحس اني خايف ومتوتر وماني مرتاح لدرجة اني اذا جاني اتصال من زوجتي أخاف لا يكون صار للولد شيء .. صرت ما أبغى انزل جدة عندها لحالي و ما أبغى أسوق لحالي حتى كان ف مراجعة لولدي م قدرت أوديها قلتلها عندي دوام و م اقدر اجي .. حتى دوامي أهملته م ابغى اروح لحالي صرت م ابغى اروح ولا اجي أهلي يطلبون من طلبات وأكون فاضي بس ارفض اروح .. صرت طفشان وأحس في أشياء أبغى اسويها بس خوفي وقلقي وتوتري يمنعني ..
.
.
طبعا في السابق ي دكتور كان عندي خوف بس كنت احاول اني اتغلب عليه وأوقات هوا يتغلب علي ورح أعطيك أمثلة ...
#مثلا الوالد كان يقولي ودي اهلك زواج في جدة - طبعا انا وقتها م اعرف شي ف جدة باستثناء زحمتها - كنت احاول انو اي احد غيري يوديهم ولو ما في احد اقلق وتصير دقات قلبي سريعة لكني اوديهم وانا على اعصابي زي م يقولوا .
#مثلا أول م تزوجت كنت أخاف أسافر بزوجتي الرياض او الشرقية عشان م اعرف طرقها واتوتر وطبعا م وديتها الى الان كنت اعطيها اعذار اقلها الحين حر او مثلا انا عندي دوام خليها وقت ثاني .
أيضا كنت أحس اني اذا خرجت من البيت اي مشوار سواء مع زوجتي أو أهلي مثلا تمشية أو سوق أو أي مكان أو حتى لو خرجت م أصحابي أكون قلق وماني مرتاح وأشعر أني أبغى أرجع للبيت وإذا جيت راجع نفسيتي تتحمس وانبسط لذلك زوجتي تطلبني أشياء او حتى اهلي ارفض مع اني فاضي وما عندي اي حاجة لكن مدري هل هوا كسل او حاجة في داخلي تمنعني ..
علما ي دكتور اني حافظ القرآن كاملا ولله الحمد وكنت متفوق دراسيا الى الثانوية وحتى في الجامعة كنت جيد جدا
لكن أشعر اني ثقتي ف نفسي مهزوزة ولذلك في إمامتي للناس في الصلاة تكون دقات قلبي سريعة وكل شوي ابلع ريقي .. أيضا في الدوام م احرص اني اتكلم مع احد على جوالي بس .. وحتى في عزايمنا م اتكلم مع الرجال ولا أبدي وجهة نظري ولو تكلمت يبان عليا الارتباك ..
هذي حالتي ي دكتور أتمنى العلاج الله يجزاك خير لاني بصراحة صاير قلق ع المستقبل خصوصا اذا زوجتي خلصت نفاسها أبغى أمشيها وأوديها وأسافر معاها بحالتي هذي حاس إني م رح اقدر أسوي شيء صرت اغلب وقتي ف البيت ع الجوال ومسلسلات وكإني من خوفي وتوتري دخلت الى حالة اكتئاب خصوصا انو زوجتي من وسط الشهر السابع راحة عند اهلها لانها كانت تعبانة ..
طبعا رحت لدكتور نفسي في مكة وشرحت الحاله له ووصفلي ٣ أدوية ( كونكور و SOLIAN و باروكسات ٢٠ )
الحمدلله تحسنت الحاله والخوف راح والقلق خف كثير
استمريت ع الباروكسات لمدة ٤ شهور ووقفته . لكن الان بدأ يرجعلي الخفقان وبدأت أضخم الامور خصوصا اني نقلت جدة عند جدني عشان وظيفتي وأحس اني لمن أبعد عن أهلي ما أدري هوا يجيني خوف أو إكتئاب ماني عارف المهم انو الحالة الان بدأت تزيد .. وعندي مشكلة اني افكر كثييير وتفكيري سلبي وأجد صعوبة في النوم وما أحب اروح المشاوير لحالي أحس انو ثقتي في نفسي مهزوزة وما أحب أقعد برا البيت كثير .. أخطط لأشياء ومع الاسف م أسويها مهمل في دوامي وإذا تعرضت لضغوط أحاول أتهرب منها أحاول أبصم في الدوام وأمشي .. ومع خوفي وقلقي أشعر انو عندي رهاب اجتماعي لأني إذا رحت لدكتور تجيني اعراض الخوف وإذا دخلت على مديري في الدوام أشعر بخوف بس طبعا الخوف مو شديد لكن م أكون طبيعي ..
أرجو الحل تكفووون خايف على علاقتي بزوجتي لاني صرت أرفض المشاوير وأشعر اني بسبب خوفي وقلقي ووسوستي صرت ماني فرفوش زي أول ..
أرجوا الحل شاكر ومقدر لكم .. وإذا احتجتم الاتصال فهذا رقمي ( ٠٥٠٠٢٨٨١٤٤)
سجل دخول أو إنشئ حساب جديد الأن لإضافة تعليق.
رقم الإستشارة: 2/1416
التاريخ: الأربعاء, مارس 30, 2016 - 18:09
محولة إلى: أ.د. عبدالله السبيعي
السلام عليكم ورحمة الله وبركاته ..
عمري ٢٤ سنة .. وظيفتي مهندس كهرباء .. متزوج ولدي ابن واحد ..
ي دكتور .. حصلتلي حادثة بعدها شعرت ان نفسيتي ازدادت سوءا وأصبحت أخاف بدرجة كبيرة وأقلق وأكاد أكون طول اليوم متوتر لدرجة اني اهملت دوامي وزوجتي وأهلي وصرت م ابغى اسوي اي شيء ..
الموقف كالتالي :- زوجتي كانت حامل في الشهر الثامن أخذت تقريبا أسبوعين من الثامن ..فجأة ارتفع الضغط عندها وقتها انا كنت ف مكة يوم ٣ ذو الحجة وهيا ف جدة عند أهلها .. اتصلوا عليا قالوا لازم تجي طبعا انا توترت وصارت دقات قلبي سريعة لكن وضعي كان طبيعي .. رحت ع جدة وأخذتها ع المستشفى اللي كنا نراجع فيه .. قالولي لازم ولادة ولازم تتنوم حصلها تسمم حمل .. انزل ادفع الفلوس بسرعة عشان ندخلها ع الغرفة .. طبعا انا توترت جدا لدرجة اني اصبحت حشران جدا -الله يكرمك- وانا تحت عشان ادفع الفلوس دخت دوخة خفيفة لكن الحمدلله تمالكت نفسي .. بعد ما طلعت الغرفة عندها طبعا م قدرت أنام ودقات قلبي سريعة وصداع في راسي .. طبعا أمورها تحسنت انا نوعا ما هديت .. تقريبا قعدت يومين او ٣ أيام وولدت يوم ٦ ذوالحجة بعملية والحمدلله رزقت بولد .. الولد دخل العناية المركزة عشانه ولادة مبكرة وزوجتي لسى متنومة عشان كان في عندها بعض المشاكل .. طبعا هذي الثلاثة او الاربعة الايام عشت فيها توتر كبير ونومي كان سيء وكنت قلق جدا وخايف جدا على انو يصير لزوجتي اي شيء او لودي لا قدر الله طبعا زوجتي خرجت والولد كان لسى في المستشفى .. كنت انام في جدة عند اهل زوجتي بس م كنت مرتاح لانو ولدي لسى ف المستشفى وزوجتي كان الضغط لسى مرتفع كنت قلق جدا وأشعر بخوف ودقات قلبي اغلب الوقت سريعة .. الين يوم عرفة بعد الفطور قلت لزوجتي انا رايح مكة عشان أعيّد مع أهلي طبعا وقتها كنت أشعر بألم جهة القلب لكن كنت مطنشه و ما أعرته اهتمام .. لمن ركبت السيارة ومشيت بدت الوسوسة عندي حسيت انو الالم بدا يزيد ودقات قلبي صارت سريعة وصرت أسمعها وريقي نشف بعدين حسيت حرارة في أعلى جسمي شوي الا حرارة في جسمي بالكامل وصرت أحس اني ماني قادر أشيل نفسي زي كاني طايح وقفت السيارة واتصلت على رحيمي وجا أخذني طبعا وقتها كان مشغول ف رجعت البيت وكنت - الله يكرمك - حشران جدا ومجرد م دخلت الحمام - الله يكرمك - تبولت وسهلت .. طبعا رجعت احاول انام م استطعت افكر ف الالم اللي ف قلبي وأيضا صرت اشعر انو ضيق ف التنفس م استطعت انام صرت افكر تفكيرات سيئة وصرت احس نفسي دايخ ومصدع .. رحت المستشفى ع الساعة ٢ - طوارئ - الدكتور م كشف عليا قالي لا توسوس وبس قاس الضغط وكان مرتفع ارتفاع طبيعي حق التوتر .. طبعا بعد الحادثة هذي صرت اذا اكلت اي شيء ع طول اتكرع .. وصار بطني يعورني من تحت وبدأت تجيني آلام متنقلة .. حاولت اهدي نفسي كلمت اخوي قلي هذا القولون وطبيعي مع التوتر .. صرت آخذ حبوب ( Gasec-20) وحبوب ( Duspatalin retard )
تحسنت معدتي ولله الحمد والقولون تحسن نوعا ما لكن اذا انسدحت ي دكتور أحس كل بطني مشدود ع فوق ف يصير التنفس صعب .. وحصلتلي ي دكتور مرتين اني اكون نايم وفجأة أصحى تكون دقات قلبي سريعة وأسمعها ونفسي يضيق وما أقدر ارجع بعدها أنام .. طبعا خليت أخوي يجي ياخذني من جدة ورجعت عند أهلي تحسنت نفسيتي نوعا ما لكني دائما أحس اني خايف ومتوتر وماني مرتاح لدرجة اني اذا جاني اتصال من زوجتي أخاف لا يكون صار للولد شيء .. صرت ما أبغى انزل جدة عندها لحالي و ما أبغى أسوق لحالي حتى كان ف مراجعة لولدي م قدرت أوديها قلتلها عندي دوام و م اقدر اجي .. حتى دوامي أهملته م ابغى اروح لحالي صرت م ابغى اروح ولا اجي أهلي يطلبون من طلبات وأكون فاضي بس ارفض اروح .. صرت طفشان وأحس في أشياء أبغى اسويها بس خوفي وقلقي وتوتري يمنعني ..
.
.
طبعا في السابق ي دكتور كان عندي خوف بس كنت احاول اني اتغلب عليه وأوقات هوا يتغلب علي ورح أعطيك أمثلة ...
#مثلا الوالد كان يقولي ودي اهلك زواج في جدة - طبعا انا وقتها م اعرف شي ف جدة باستثناء زحمتها - كنت احاول انو اي احد غيري يوديهم ولو ما في احد اقلق وتصير دقات قلبي سريعة لكني اوديهم وانا على اعصابي زي م يقولوا .
#مثلا أول م تزوجت كنت أخاف أسافر بزوجتي الرياض او الشرقية عشان م اعرف طرقها واتوتر وطبعا م وديتها الى الان كنت اعطيها اعذار اقلها الحين حر او مثلا انا عندي دوام خليها وقت ثاني .
أيضا كنت أحس اني اذا خرجت من البيت اي مشوار سواء مع زوجتي أو أهلي مثلا تمشية أو سوق أو أي مكان أو حتى لو خرجت م أصحابي أكون قلق وماني مرتاح وأشعر أني أبغى أرجع للبيت وإذا جيت راجع نفسيتي تتحمس وانبسط لذلك زوجتي تطلبني أشياء او حتى اهلي ارفض مع اني فاضي وما عندي اي حاجة لكن مدري هل هوا كسل او حاجة في داخلي تمنعني ..
علما ي دكتور اني حافظ القرآن كاملا ولله الحمد وكنت متفوق دراسيا الى الثانوية وحتى في الجامعة كنت جيد جدا
لكن أشعر اني ثقتي ف نفسي مهزوزة ولذلك في إمامتي للناس في الصلاة تكون دقات قلبي سريعة وكل شوي ابلع ريقي .. أيضا في الدوام م احرص اني اتكلم مع احد على جوالي بس .. وحتى في عزايمنا م اتكلم مع الرجال ولا أبدي وجهة نظري ولو تكلمت يبان عليا الارتباك ..
هذي حالتي ي دكتور أتمنى العلاج الله يجزاك خير لاني بصراحة صاير قلق ع المستقبل خصوصا اذا زوجتي خلصت نفاسها أبغى أمشيها وأوديها وأسافر معاها بحالتي هذي حاس إني م رح اقدر أسوي شيء صرت اغلب وقتي ف البيت ع الجوال ومسلسلات وكإني من خوفي وتوتري دخلت الى حالة اكتئاب خصوصا انو زوجتي من وسط الشهر السابع راحة عند اهلها لانها كانت تعبانة ..
طبعا رحت لدكتور نفسي في مكة وشرحت الحاله له ووصفلي ٣ أدوية ( كونكور و SOLIAN و باروكسات ٢٠ )
الحمدلله تحسنت الحاله والخوف راح والقلق خف كثير
استمريت ع الباروكسات لمدة ٤ شهور ووقفته . لكن الان بدأ يرجعلي الخفقان وبدأت أضخم الامور خصوصا اني نقلت جدة عند جدني عشان وظيفتي وأحس اني لمن أبعد عن أهلي ما أدري هوا يجيني خوف أو إكتئاب ماني عارف المهم انو الحالة الان بدأت تزيد .. وعندي مشكلة اني افكر كثييير وتفكيري سلبي وأجد صعوبة في النوم وما أحب اروح المشاوير لحالي أحس انو ثقتي في نفسي مهزوزة وما أحب أقعد برا البيت كثير .. أخطط لأشياء ومع الاسف م أسويها مهمل في دوامي وإذا تعرضت لضغوط أحاول أتهرب منها أحاول أبصم في الدوام وأمشي .. ومع خوفي وقلقي أشعر انو عندي رهاب اجتماعي لأني إذا رحت لدكتور تجيني اعراض الخوف وإذا دخلت على مديري في الدوام أشعر بخوف بس طبعا الخوف مو شديد لكن م أكون طبيعي ..
أرجو الحل تكفووون خايف على علاقتي بزوجتي لاني صرت أرفض المشاوير وأشعر اني بسبب خوفي وقلقي ووسوستي صرت ماني فرفوش زي أول ..
أرجوا الحل شاكر ومقدر لكم .. وإذا احتجتم الاتصال فهذا رقمي ( ٠٥٠٠٢٨٨١٤٤)
حالتك رهاب متعدد... مثلاً: في السابق عندك رهاب اجتماعي، وحالياً بسبب مشكلة زوجتك عندك رهاب الخلاء أو رهاب الساح.
اقرأ عنهما في الموقع هنا وستجد مواضيع واستشارات مفيدة إن شاء الله.
أما فيما يتعلق بالعلاج فهو في الغالب دوائي ومعرفي سلوكي. الدوائي ذكرت انك استخدمت أدوية وأفادتك، وهي فعلاً مفيدة. ولكن تحتاج إلى علاج معرفي سلوكي، وننصحك في جدة بالدكتور أحمد الصالح في عيادات المرجع الطبي ومركز إتوال، ومركز الاعمال بمستشفى الحرس الوطني. وقد يفيدك في العلاج الدوائي كذلك.
لا تقلق فحالتك سهلة العلاج ويمكن أن تتحسن بشكل كبير إن شاء الله
شفاك الله وعافاك، والسلام