10 سنين مع ام مريضة نفسيا ترفض العلاج

السلام عليكم ورحمة الله وبركاته
مدري من وين ابدا لكن العنوان يختصر كل شيء، أمي تشك بكل الناس، شك مرضي يصور لها أن الكل ضدها ويخطط ويتآمر مع زوجة ابوي ضدنا بالسحر والشعوذة طبعاً، بعد مابعدت الكل وانعزلنا عن العالم بدت تشك فينا حنا ياعيالها.
اي احد يصحح أفكارها وأوهامها يعني ضدها، اخوانها جيرانها كل الناس، والحين وصلنا الدور، في البداية حرمتنا من الزواج ومن الدراسة، بسبب هذا الشك، اي خاطب يجي يعني بالضرورة نعرفه وبيننا علاقة وترفض حتى تستقبل الحريم، خواتي الصغار انحرموا من الدراسة سنين وبعد ماربي رد لهم بدت تختلق القصص عشان تحرمهم من جديد، ابوي للاسف تزوج ونسانا، واخوانها شبه تبروا منها محد يزورنا ولايسال علينا، جيراننا تمشكلت معهم، كل الحارة عرفوها وصاروا يتحاشون يمرون من قدام باب بيتنا، لانها واقفه طول الوقت تراقب، اي احد يمر ولو بالغلط ياويله! كلمتها مره وقلت نروح دكتور نفسي أنا وانتي قالت يعني أنا مجنونة والآن صارت تشك فيني وماتاكل أو تشرب اي شيء اسويه لانها تحسبني أحط حبوب نفسيه! تعبت يادكتور كلامي ملخبط لاني ماني عارفه وش أقول ووش أخلي، صابني قلق أخاف من بكره أخاف تفصل خواتي وتخرب حياتنا زياده، لان كل يوم جديد الحالة تسوء والشك يزيد، اعرف مافي أمل تتقبل العلاج عشان كذا عطني حل كيف نتعامل معها تعبنا كلنا ولا أحد معنا لا أب ولا خال ولا جد، وش أسوء من أن يكون مصدر آمانك هو اللي يسبب لك الخوف!