بتمنى الاقي جواب

مشكلتي اني بعرف مشكلتي بس ما بعرف كيف اتعامل معها
انا بعاني من تناقض رهيب جواتي لدرجة كبيرة ما بقدر حدا يتصورها
جواتي صراع ما بهدأ ابدا الحل الوحيد الو اني انام او اقرا كتاب و بس غير هيك بضل الصراع شغال ساعات بحاول أفكر بكل شي غير منطقي بس لاخفف ع حالي
دايما نهاية الساعات الي بمر فيها من التناقض اني بروح بجرح حالي بطريقة هستيرية ! و المشكلة اني بس اصحصح بعقم الجرح و بشرب مسكّن و بندم ، بندم ندم مو طبيعي !
ما بعرف السبب الي بخلاني هيك ! بقرا عن الامراض النفسية بخاف انو يكون تفكيري غلط و انو بتهيأ الي اني بعاني من اشي و مرات بحس انو لا اكيد في عندي اضطراب خاصة اني بقدر اقضي ساعات طويلة لحالي و بنام و بصحى و ما بحكي مع حدا !
مرات بتكون عندي ردات فعل غريبة جدا يعني انا ما بعرف ليه هيك بتصرف !!!! و فعلا غريبة زي لما احس حدا بحبني بضل احاول اخليه يحبني اكتر و اكتر و ببين قدامو مسكينة و منيحة و بخلية يتعاطف معي بدون ما يحس و بكون احكيلو انو ما بدّي شفقتك يعني مشان يتعاطف اكتر و بعدين فجاه بتركو !! و بصير احقر انسانه بالكون شو ما حكى الي ما برجع !!! طبعا ما بتركو هيك بكون ادايقت من كمن شغلة بس ما بحكي ولا ببين الو هاد الشيء بخلية يوصل لدرجة هستيرية انو يفكر حالو غلطان و بحاول يحكي معي و يعتزر وانا رغم الانسانية الي جواتي رغم التعاطف مع كتير ناس بتلاقيني هون مجردة من المشاعر ! انا بكرة كوني هيك بكرة اكون هيك نفسي أتخلص من حالي !