ارجو المساعدة

انا عمري ٢٠ سنة طالبة جامعية بقسم علم نفس و طموحة اني اكون اخصائية نفسية ناجحة ف انا متفوقة بدراستي واجتهد لاخذ دورات وشهادات خارجية واسعى ان اكون متميزة دائما .
لكن عندي مشاكل مزعجتني مرة وجدا ومنها احس ما استاهل اكون اخصائية نفسية او اطمح لهالشي
انا بطفولتي تعرضت لتحرشات كثير كنت صغيرة بالبداية برضاي لان احسب لعب بس بعدين استوعبت وصرت انا ادافع عن نفسي منهم وكانو كثار وقدرت اخوفهم وابعدهم عني وهذا تعب نفسيتي مرة مرة وانا طفلة لان اخاف اواجهم وصرت اعصي خواتي وامي لان يطلبون مني شي اجيبه لهالشخص اللي انا الان احمي نفسي منه واقولهم لا ويصيرون يهاوشوني واني باردة وبليدة وتحملت كله عشان احمي نفسي منهم حتى بطلعات عائلية كانو يحاولون يتحرشون فيني وانا اهددهم اني اعلم ابوي والحمدلله تركوني بحالي وانا نهائيا ماقد قلت لاحد عن هالشي ابد ابد ابد ممكن بسادس ابتدائي قدرت اتخلص منهم صارو خلاص مايتحرشون فيني او يسوون اي شي ويمكن عقلو هم مدري عاد .
بثالث متوسط اهلي لاحظو اني انام كثير كثير واني كله سرحانه وبعالم لوحدي ودايما كاني كئيبة ومو مستانسة وحتى اختي سافرت واخذتني معها ولاحظت انو ماتغيرت ما انبسطت وانا ماكنت الاحظ هالشي فيني ابد ولا ادري عنه ولا يقولون لي .
وزاد وزني بشكل فضيع كان تقريبا ٦٩ وصار ٩٩ وراجعت مستشفيات كثير وقالو مافي شي رغم ان ولا شي تغير من طريقة اكلي وخلال سنة زدت هالوزن ذا كله ، بثالث ثانوي امي حلمت حلم وفسرته انو يمكن فيها مس *كل ذا بدون علمي* وانا كنت اشوف نفسي طبيعية مرة مرة مرة لكن كنت احس بالمتوسط كنت سعيدة بالثانوي لا وكنت انام كثير هذا اللي اذكره ، بعد تفسير امي للحلم جابت شيخ يقرا علي وانا مادريت عن شي قالو بيقرا عليك لراحه بس مافي شي وكنت اصلا متأكدة اني مافيني شي ، قرا علي الشيخ وبدت اعراض المس وهو اصلا كان يقرا لمدة ساعه ونص وخلال هالساعه والنصف بالبداية كنت اتبع معاه بقراءته وكل شي بالعكس مرتاحة لان الحمدلله مافي شي لكن فجأه احس راسي تطوق وماعدت اركز بالايات وابغى اعرف وش يقرا عجزت بدت اعراض المس يدي ترتجف وما الى ذلك وكنت اهدي نفسي انو البشر اقوى من الجن وانو الله معك وكل شي بيكون بخير ، راح الشيخ وجا بعد يوم وقرا علي وبعد قرايته ذي تغير كل شي حسيت في غمامة انقشعت عني وراحة كبيرة جدا وحسيت بشعور غريب مرة كاني بثالث متوسط مو ثالث ثانوي كاني اول مرة اعرف نفسي احس اقول انا صدق ثالث ؟ وثانوي؟ نومي تعدل وصرت انام خفيف اهلي يقولون كنت تتأففين كثير وتسرحين كثير الان الحمدلله راح ، لكن كانت عندي مشكلة وتفاقمت انو اول كنت اقرا روايات جنسية مع اني اكره الجنس واحسه شي مقرف لكن ليش استمتع ؟ وصرت اشوف مقاطع شذوذ جنسي وبورن قيز مع اني اكره هالشي مرة وبالعكس مرة اكره القيز والليز ولا احبهم صدق يعني واخاول اترك هالشي عجزت
جتني اربع او ثلاث نوبات هلع وصرت اخاف كثير من اشياء غبية واول بالعكس ماكان احد يروعني
انا بالابتدائي كنت اكذب كثير بخصوص عايلتي والان صرت احب اكذب واقول ان فيني مرض وشفيت منه مدري ليه :(
واي احد جديد تعرفت عليه لازم اكذب مدري ليه اكره هالشي اكثر شي فيني صدق اكرهه
اسفه عالاطالة مرة مرة مرة بس احب جانب اني متفوقة ونموذج رائع بالدراسة لكن بالامور الثانية لا :( كيف اتخلص من هالاشياء