نوبة هلع

السلام عليكم ، اولا انا اخترت قسم الاستشارة ولا اعلم هل هو المكان الصحيح او لا .
انا احلام ٢١ سنة ، من سنتين تقريبا صرت اخاف كثير مو خوف من شي معين لكن اخاف اذا احد تكلم بصوت عالي فجأة او احد طق الغرفه علي ونادى اسمي بنفس الوقت اخاف قلبي ينبض بقوة بقوة لازم احط يدي كذا ع قلبي واهدي نفسي واحيانا ابكي واهاوشهم ليش يقوموني كذا علما ان اول ابدا ماكنت كذا وفي مواقف اصير اتروع من مثلا احد صرّخ وخفت احسب في شي اصير اتروع لازم احد يرشني مويا ويمسكني ، ومرة كنت نايمة وطقت اختي الغرفه وقمت وكان المفتاح طايح بالارض ف قعدا ادوره واختي تطق بقوة وانا جدا انزعجت وكنت قايمة خايفه من الطق شوي لكن لما فتحت صارت تهاوشني ليش ما افتح بسرعه ورديت عليها وصار نقاش وطلعت من هنا انا صرت ابكي بقوه بقوه من هنا وحسيت اني مو طبيعية اختنقت مقدرت اتنفس كنت افكر لازم احد يساعدني ابغى اموت حرفيا كنت احس بالموت اشاهق بقوه بقوه ابغى اتنفس مو قادرة وجت بنت اختي ومسكتني وصارت تخليني اتنفس يمكن دقايق طويلة وهي تحاول تهديني بالله وبالله قدت اتمالك نفسي كنت اشاهق شهاق قوي جدا وصدري احس مقبوض عليه والم جدا فضيع .
تكررت هالحالة اكثر من مرة ثلاث مرات تقريبا
ومرة كان فقط مويا انكب علي من ورا من احد الاطفال نفس الشي صار بالموقف اللي ذكرته تو كانت عندي اختي وهدتني .
انا صرت مرة اخاف تجيني هذي النوبة مرة .. وصايرة اخاف كثير من اشياء عادية يعني :( مدري هل هذا طبيعي يعني او انو اقدر ارجع زي اول لان مرة تعبت كثير اقوم من النوم من بس احد يطق خايفه وقلبي ينبض بقوه صحيح ما ابكي واختنق لكن خايفة مرة .