اكتئاب...

عفواً اخوي ، قلت لي لازم اروح للعلاج
للامانه ماعندي شجاعه اروح ،خصوصا بهالوقت الحرج ، وقت ثاني ان شاءلله.
لكن بقول حالتي عشان تشخصها او اعرف وش وضعي بالضبط..
عمري 26 ، عاطله
انا انسانه طموحه جداً ، اكره اكون عاله على احد
احلامي كبيره بس مثل ما انت شايف ، مجتمع تافه
قوانين غبيه ، وناس اغبياء
عندي نظره سلبيه لكن شي ، اعترف انا ما كنت كذا
لكن الروتين قاتل ، الفقر يذبح ، ووطني يقهر
ماتت احلامي عشان مجتمع وفلوس ، ما استسلمت
حولت مره ثنين مليووون مره ، لكن اكتشتف بالواسطه والفلوس تمشي الحياه ، فوق مشكلة الوظيفه طحت بمشكله ثانيه ، اللي هو الولي ، ابوي اللي مسوي يعرف مصلحتي ، غصبني على ولد عمتي انسان مثله اناني مدمن مريض بالشك سافل ويده طويله
بعد 22 يوم هجيت وث، تخيل من وين ؟ من الدريشه لانه المريض يقفل الابواب علي ، المشكله هجيت لامه ، ومسكني بالشارع وصفقني ، وفزع لي واحد الله يجزاه خير ، لما ابوي جا قال طيب ؟
نترك ابوي ، اصلاً غاسله ايديني منه
مره ثانيه هجيت ومن الدريشه بعد ، ورجعت مع اخوي ، لاني مو من نفس ديرته ، على فكره اكيد تعرف الديره يادكتور عبدلله ، بالصباح متلحفين بغطاء الدين والزهد والاستغفار ، وبالليل حبوب واسلحه وكأنها مباحه! يعني تخيل يقولون لي اني عاهره وصخه لاني نويت اكمل تعليمي واتخصص اعلام الكتروني واللي طردني منه الخسيس ، لكن هم مايصلون ، راعين حبوب ، يحطون الحبوب بصحن كانها مقبلات!! نفاق، حسد ، شك ، غيبه نميمه ااااف اكره مجتمعهم.. ، الحمدلله اخوي خذاني ورجعت لمدينتي .
وسجلت فشل جديد بحياتي ، وقف تعليمي على دبلوم ، بلا وظيفه ، وزواج فاشل ، للامانه انا مبسوطه ان زواجي فشل ههههه ، فشلي الجديد انه مو راضي يطلقني
انا كانت تجيني فترات اكتئاب ، يعني يمكن مرتين في ست شهور... طبعاً هذا كان اول قبل ثلاة سنين
بهالثلاث السنين الاخيره ارق بنومي ، صرت اشوف رجال اذا قمت من النوم ، اشيا تطير بالسقف ، كلاب ، جواثيم ، واعرف وموقنه لان حالتي النفسيه زفت عشان كذا صرت اتوهم ، مثل ماتعرف الاهل دايم يفكرون العين ، او البعد عن الله والذكر ، مع اني اكثر وحده محافظه على صلاتي... لكن اعتقاد راسخ
حالياً ماصرت اشوف هالاشياء الحمدلله لكن صرت اكتئاب اكثر ، يعني خلال شهرين تجيني الحاله اربع مرات تقريباً
انعزل ، اكره الاصوات ، اظن اشياء سيئه باهلي مثل اني عاله عليهم مايبوني ، صرت حمل ، اهلي فوضوين درجه اولى لكن انا كره الفوضى كل شي علي يعني مثلا لو امرض يوم ، اذا جا اليوم الثاني اشوف البيت فوق تحت ، اتكالين ، لما رحت مع زوجي جابو لهم شغاله ، لما رجعت كنسلوها ؟! لاني شغاله ببلاش هههه
ححالتي غبيه ، مزاجيه يعني مثلا اسولف مع اخي فجأه يتعكر مزاجي وتركها ، صرت انسى بشكل كبيره ، اكون مبسوطه ، فجاه يقلب جوي اكتئاب وارجع انعزل ، ما احب اتكلم وافضفض لاحد ، مرات ابي ابكي لاني اعرف البكاء راحه ، لكن ما اقدر!!ما يعني حتى هالشي فاشله فيه!!!!!
صرت افكر لو مثلا انا مسيحيه هل بيصير لي هالشي ؟ لو مسيحيه احلامي راح تتحقق ، طبعاً استغفر واتعوذ من ابليس ..
صرت اكره ديرتي ، احس هالدوله مو مكاني ، انا انسانه حره ، روحي حره ، احلم بالاستقلاليه ، لكن كل شي هنا يحكمه الرجال ،اكره الرجال
لكن على قد كرهي لهم الا اني احتاجهم ، طحت لي بعاده جديده ، اكلم اجانب ، اوريهم صوري ويمدحون جمالي ، اخ سعاده ، ادري اني جالسه اعوض المفقود فيني بمديحهم ، ادري ان فيني نقص ، لكن الحمدلله انا جميله وجسمي سبحان الخالق ، لكن انخلقت بمجتمع مايقدرني ، ولا يقدرون الجمال ، ولا يقدرون المراه ابدا
بالنهايه حبيت اقول تم التحرش فيني وانا صغيره مليون مره ههههه
من جدي عساه بجهنم ، وعمي ، يعني تقريباً عددهم خمسه ، طبعاً كل واحد لحاله ، كنت صغيره وشوي بقره ، لان اخاف على امي جاها ما كفاها ، ومثل ما قالت انا غلطه ، وضحت بحياتها اللي تحولت لجحيم عشاني اكل تبن وانطم عشان مايصير جحيمها سعير...
عقدي كثيره ههههه
ما اعترف بالحب ، لانه مسمى اخر للجماع!
هذرتي واجده صح ؟ هههه
ماعنندي احد اقوله هالفضفضه ، وماراح تعرفني...
على فكره يادكتور ، كان حلمي ادرس عندك ، شديت حيلي وجبت 94،96 بأسألة الوزاره عشان اتخصص علم نفس ، بس مثل ماقلت... فاشله ، بمجتمع فاشل. ، عفواً اذا جيت ترد علي لا تنصحني دينياً
شكراً .. اذا تذكرت شي برجع اقولك..
ممكن ماتنشره ؟
اكره احد يشوف ضعفي... شكراً